Radhe Radhe !

This composition is by the new poet on the net – Sriman Alok Krishna das, who is a Raganuga Vaishnav.

The theme is …after  the dice game when krishna was defeated by
radharani and was not gving his flute..then sakhi`s forcefully
snatched his flute and made fun of him..krishna became angry and left
the place and came in maan…now radha`s kinkari`s are trying to
console him as follows………..

pyare shyaamsundar ! ab vilambh na karo
aankhri saans se pehle adharaamrit daan karo (to radha)

yaad karo vo vo din ! vo chumban ! vo alingan !
pehli pehli baar jab hua tha milan

yaad karo vo pehli nazarron ka jaado
dekh kar jisse hue the tum bekaaboo

govardhan ke kunja mein vo pehli pehli raat
yamune ke kinaare jab the haton me haath

apni roop madhuri ka chalkaa do thoda jaam
chodon yeh gussa ab maan bhi jao shyaam

(without shyaam)
pyaase yamuna ,pyaasa uska jal
pyaase jal mein na khila koi kamal

shyaam! shyaam! pukarti raadha ki paayal
virahe mein tumhare ho gai hai ghayal

sooni sooni rahein soona vrindavan
sooni sooni baahein sooney kunja bhavan

(shyaamsundar started melting)
sundar basant ki raat sundar shyaam suhani
virahe mai radha par tumhari aankh mein paani

jaldi chalo o shyaam! raat beet na jaaye
baithi hai kunja dwaarein radha saij sajaye

(now gopi`s returns his flute)

madhur madhur taan, madhur tumhari vamshi
maan bhi jayo shyaam ho gayi humse galti

sunkar baat sakhi ki shyaam khade muskaaye
dekh virahe priya ka radha radha chillaye

shyamsundar ko dekh kar jaagi radha kishori
kho gaye ek dooje mein jaise chanda or chakori

baadal or bijli ka sundar yeh milan
khil gayi nai kali or naya vrindavan.

Radhe Radhe !!